11/09/2026, ora 12,00
Muzeu i Artit Bashkëkohor – Shkup, në kuadër të Programit të tij Ndërdisiplinor, vijon aktivitetet e programit.
Të premten, më 11 shtator, duke filluar nga ora 12:00, në Fakultetin e Arteve të Bukura – Fakultetin Pedagogjik, do të mbahet një diskutim me kolektivin artistik me famë botërore The Otolith Group.
“The Otolith Group” u themelua në Londër në vitin 2002 nga artistja, kineastja dhe antropologia britaniko-indiane Anjalika Sagar dhe artisti, shkrimtari, teoricieni e kineasti britaniko-ganez Kodwo Eshun.
Gjatë praktikës së tyre dydekadëshe, ata kanë hulumtuar mënyrat për të vëzhguar dhe analizuar disbalancën planetare që buron nga proceset dhe vendimet politike të papërshtatshme, pabarazia strukturore sociale e ekonomike dhe shkatërrimi sistematik i mjedisit.
Për “The Otolith Group”, krizat ekologjike nuk janë dukuri të izoluara, por rezultat i konstelacioneve sociale, politike dhe ekonomike të ndërthurura thellësisht me konflikte historike dhe modele shfrytëzimi që formësojnë të tashmen kolektive.
