Ариел Хасан: Трагедија на еднаквоста-Борење со рака

Трагедија на еднаквоста IV (Tragedy of Equality, T.O.E. IV) – Борење со рака е прво самостојно претставување на Ариел Хасан во Сeверна Македонија.

Проектот имаше три претходни различни итерации: HEADSHAVING BATTLE (Битка со бричење глава), MUD WRESTLING (Борење во кал), and KNIFE FIGHT (Борба со ножеви). Четвртиот чин во Музејот на современа уметност во Скопjе, кој ќе се одржи во периодот јули – август 2025 година, претставува натпревар во буткање на рака помеѓу двајца рамноправни натпреварувачи, кој се одвива на триаголна издигната платформа дизајнирана од уметникот и изградена специјално за оваа пригода.

Роден во Аргентина, Ариел Хасан ги поминал своите формативни години во Аргентина, САД и Шпанија, пред да ја воспостави својата уметничка пракса во Австралија во 2005 година. Последователната преселба во Германија во 2008 година го означи почетокот на едно континуирано транснационално постоење, при што уметникот сега работи на своите проекти во ателјеата помеѓу двата континента. Со испитување на сликарството како портал кон човечката свест, Хасан ги надмина традиционалните граници на медиумот, негувајќи сингуларен визуелен јазик што се одвива низ различни форми на изразување – практика обележана и со експанзивно експериментирање и со несомнена индивидуалност. Неговата работа, која се карактеризира со самонаметнати правила и непредвидливи исходи, ја формира основата за појава на сложени визуелни наративи. Тој досега имал самостојни изложби во Австралија, Шпанија, Јапонија, Сингапур, Австрија и Кина, а учествувал и на различни групни изложби вклучувајќи ги Биеналето Кочи-Музирис и Биеналето во Каиро. Неговите дела се застапени во повеќе јавни збирки.

Куратор на изложбата е д-р Мелентие Пандиловски, JOLT ARTS, Мелбурн.

Изложбата е финансиски подржана од Владата на Јужна Австралија, CreateSA и GAG Art Advisory