Презентација на Центарот за политичка убавина

Музејот на современата уметност – Скопје во рамките на Интердисциплинарната програма го претставува радикалниот колектив од Берлин ,,Центар за политичка убавина’’.

Презентација на Габриела Лангхолф. Воведно претставување: Тихомир Топузовски, кустос-уредник на Интердисциплинарната програма на МСУ. 

Основан во 2009 година ,,Центарот за политичка убавина’’ покренува серија ангажирани акции во соработка со различни групи на волонтери и партнери низ цела Европа, стремеејќи се кон „морална убавина, политичка поезија и  радикален хуманизам.’’ Нарекувајќи се себеси „агресивни хуманисти“ членовите на овој колектив се спротивставуваат на политичката и моралната апатија креирајќи уметност која треба да повреди, иритира и вознемири.  Презентацијата ќе прикаже различни проекти на ,,Центарот за политичка убавина’’ поврзани со човековите права, мигрантските кризи или одговорноста што произлегува од историјата.